كان يا مكان بقلم الشاعر ___حبريل رضوان___

كان ياما كان اخلاقنا
ضاعت مع الزمان
من ظلمنا تعبنا وتهنا
وداق كمان بينا المكان
الهم طافح وريحنا كاسح
ضيعنا ليه طعم الحنان
الخوف مالينا وجوه عنينا
مستنين حبة حنان
سيبنا المبادىء عشنا مساؤىء
ولاعدش فينا غير لسان
نفتح مطاوي نهد الخطاوي
ونفتخر بيها كمان
ماتاخدوا راحة من البجاحه
فين الايمان
اخلاقنا تاجنا هي علاجنا
خلينا حبة نبطل جنان
بكلمة حلوة نعيش حبايب
بلاش نطول ف اللسان
بالانسانية والتقوى ديه
النور حيملى كل المكان
ومد ايدك لكل واحد بلاش
تعيش انسان جبان
الرب واحد والعمر واحد
والتقوى حلوة مع الايمان
انسو همومكم وعيشوا يومكم
بلاش نقول ده كان وكان
سنينا عدت وهمومنا مدت
والعمر قرب خلاص وهان
والواسطة ديه والمحسوبية
سارحة مابينا زي الديدان
يخلق فوقوا مدوا ايديكم
مين اللي فيص مين اللي عان
مين اللي نايم غرقان ف نومه
ومين اللي طالع ساعة الادان
حسابكوا لسة ف الاخرة جي
لو حد فيكوا باع وخان
ااااااااااااااااااااااا
عشنا زمان بقلب راضي
مفهوش فلوس
كان الصغير يجي للكبير
يوطي على ايده يبوس
ولا كانش واحد يزم صاحبه
ولا حتى على غيره يدوس
واتغيرت كل الذمم مع الزمن
واتغيرت حتى النفوس
زمن العجايب الوعي غايب
يارب نجي يارب حوش
لو حد نايم ع الارض مرمي
الناس تعدي عليه تدوس
ملعون ياناس الدنيا ديه
ملعون كمان ابو الفلوس