خطوتك فين خطوتك
انا مش لاقيها
سكتك تاهت خلاص من
بعد مامشتني فيها
حنيتك هي فين حنيتك
وانا اشتريها
ضحكتك فيها كذبتك
وكل يوم تخدعني بيها
بسمتك باهته وزايفه
والمعاني تايهه فيها
كل جرح ودمعه مني
تفرحك وتدوس عليها
انا كل حاجة شفتها
وياك انا باندم عليها
ااااااااااااااا
خطوتك كانت زمان
ليها ملامح
واحنا مشينها سوا
والفكر سارح
والامل لسة مالينا
وحبنا كان لسة طارح
الزمن ليه غيرك وبقيت
كده بقلب جارح
واقف بتتفرج عليه
وانا دمي سايح
واحتار دليلي ف خطوتك
هو انت جي ولا رايح
ااااااااااااا
لو لسة باقي ع اللي
بينا وضح امورك كلها
خلي الصراحة هي تاجك
عشان نعيش ف ضلها
مهو انت عقدت الامور
مين غيرك انت يحلها
حكم ضميرك والحقيقة
اوع تهرب منها
غير مسارك من جديد
لو انت لسة ادها
لو مش حتقدر ع الكلام
ده قل قلبك فضها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.