خواطر إيمان بقلم المبدعة ___إيمان محمد____

آه من جرح الحبيب
جرحه بيبقى صعيب
لا صبر فيه بيداوي
ولا حتى تلقى مداوى
ومهما تتأ لم ما تقدر تتكلم
ولا تصرخ م الأ لم
ضيعت عمرى ع اللى عمره ما حس بيه
ازرع الفرح جواه ويزرع الحزن فيه
مبيصعبش عليه ألمى
ويهون عليه ديما دمعى
ويدوس أكتر على جرحى
قولوا له يا ناس حرام
حرام عليه حزنى
قولوا له بس ليه
مستخسر الفرح فيه
وعمال يهادى الجراح ليه
قولوا له يا ناس كفايه
معدش صبر حدايا
وخلاص هان عمرى
فكفايه كدا على قلبى
كفايه هموم وأحزان
كفايه دموع وأشجان
قولوا له كفايه عليه
قولوا له شويه شويه
بلاش القسوه ديه
معدش رموش فى عنيه
وأنا راضيه بمكتوبى وقدرى
ورميت حمولى على ربى
من جرح الحبيب