آخرك يا دنيا معيا إيه بقلم الشاعر ___مجدي فرحات__

اخرك يا دنيا معايا ايه
كاسك ليا اسا وجراح 
فيه ايه مبكتش عليه
فيك يا دنيا انا سواح
مرك يا دنيا دوبت فيه
دمعي ليل ونهار جراح
فرحك مخاصمني ليه
و وجعك جوايا مرتاح
انت ايه مخلتيش بيا 
الآه مني مسا وصباح
ولا شوفت يوم حنيه
غدرك يا دنيا بيا طاح
لا صحبه ولا اهل ليا
فيه اللي ضحك وراح
و فيه اللي جرح فيه
و يشكي ببكا وصياح
هي دي يا دنيا الديه
وانا الحب مني فواح
والاخلاص ده طبع بيا
القا منك الغدر والجراح
وانت قاعده تقطعي فيا
مشوفت منك ايام ملاح
جراحك جوايا زي ما هي
معرفت فيك ود ولا سماح
ولا قلوب بتحن يوم عليا
واديني فيك بقيت سواح
ولا عارف اخرك معايا ايه
غداره يادنيا وكلك اسيه