أسمع مني بقلم الشاعرة ____ ملاك الأصفر___

إسمع مني شو رح قول
بدي تضل جنبي على طول
وما تفارقني ليل نهار
وتكمل معي المشوار
نربي اولادنا بالحنية
تا يصيروا شب وصبية
وإلك يا أروع إنسان
إلك بقلبي أغلى مكان

وبعد ما تكبر الأولاد
والشيبة عنا تزداد
منعيش بأحلى الأماني
مافي واحد فينا أناني
انت عيوني وتاج الراس
وانت إلي خاتم ألماس
بحن عليك بتحن عليي
ومنعيش أحلى عيشة هنية

وبكرة منزوج الأولاد
وبجونا أحلى الأحفاد
منسهر سوى بالسهرية
لمة حلوة كتير وهنية
ولو شي مرة احتجنا شي
بلبونا مافي منية
بس انت خليك بجنبي
وأوعى بمرة تغدر فيي.