شيلت الوقت بقلم وحيدعلي محمدحسين

شيلت الوقت
شيلت الوقت فوق ضهري
معاه حزني معاه قهري
وقلت يا ناس سيبوني
امشي
ماعاد ليه مكان بينكم
سايبها لكم مهملكم
عشان اشوف لي ناس
غيركم
يمكن تقدر الأحساس
وتكون معايا
وسط الناس
وتتعامل بذوق دايماً
فيها الحب والإخلاص
زهقت وربنا عالم
ماعدش في هنا
أحباب
ولا وفا ولا أصحاب
ولا حد يدق الباب 🚪
ماعدش فيه بقى إخلاص
ولا حق ولا إنصاف
الكل يقول انا ونفسي
وانا بقول يا ناس نفسي
نرجع نكون زي زمان
ويتولد فينا إنسان
طول عمرنا بنعتب
بس العتب
بشوفه كتير
وكله جاي عليك يا زمان
حاولت اشوف مكان تاني
ألاقي الغربة وخداني
واشوف نفس الوشوش
تاني
والاقي نفسي مجرورة
لأحزاني وأوهامي
ونفسي ارجع
لحضن امي
واعيش طفولتي
من تاني
عشان مافيش غيرها
هي امي اللي فهماني
شعر/وحيدعلي محمدحسين