مجلة شعر و مشاعر

قوم ياولدي مد
ايدك خد بايدي
ليه تبعني وانت
دمك ف وريدي
وفي وعدك ليه يابني
ليه حتخلف مواعيدي
مد ايدك يله يابني
قوم وفرحني بعيدي
والامل يكبر ياولدي
يله يافرحتنا زيدي
وازعوا ارضي اللي بارت
كنت فلاح او صعيدي
اااااااااااااااا
قوم ياولدي فك
اسري وحس بيه
ليه ولادي اللي مني
هما ليه جايين عليه
وباديك عمر دروبي
لسة انا مصر الصبية
ماشية وبامد الخطاوي
ولسة مادلكم ايديه
صبري طال يابني عليهم
هما ليه قاسيين عليه
لسة بانادي عليكم 
ردوا ياولادي عليه
اااااااااااا
قوم ياولدي قلبي
واكلني عليك
حس بيه خاف عليه
اوعى تدبحني باديك
مهما تعند ولا تبعد
او تبعني حاشتريك
خاف عليه ف كل لحظة
زي مانا حاسة بيك
افرد القلوع وبحر
حطني بابني ف عنيك
ااااااااااااا
قوم باولدي حس
بيه وطفي ناري
هاتلي حقي م اللي خانوا
مين حياخد بس تاري
لو حتسكت او تفرط
يبقى عاري
هما ليه عايزين اخضع
هما ليه عايزبن دماري
هما ليه سادين ودانهم
هما ليه رافضين حواري