أنا ب ابتهل بقلم ___لإبراهيم الفيراوي____

خايف ل جاري يحسدك 
وتضيعي مني وافقدك 
يادم جاري ف العروق
واشق صمتي واندهك
وانتي بتجري
وجاري جنبك احوطك
بالفاتحة والكرسي
والاخلاص خلاااااااااااااص
اطلق بخور
علي بص قلبي اقلبه
بالملح والشبه
برقيكي خوف
واحلف بشوق
ايام لقانا في الغروب
بجري واسبق لهفتي
ل حمره خدودك ف السما
ولمعة عيونك بالخجل
ويا الشفق
واكمني رسام برسمك
ويا الهرم والاهرمات
ف النيل ساعات
ف الجناين
ع السواقي والسواحل
ف الموالد
قلبي راحل للحلا
يشترى ليكى عروسه
يشتري ليا حصان
واخدك في صدرى اعلمك
البندقية والنيشان
واتحدى واكسب لك جمل
ونروح نصلي ف الحسين
وتأمنا لحظة تعب
والروح بتعلا بالبكي ويا الامل
مقدرش امل
او حتي اكل
اقل ساعات المغيب
عنك واغتسل
بضئ فجرك وابتسم
وانام فى حضنك بالامان
وانا ب ابتهل
واطلب مدد