هذه القصيدة بعنوان الميمة وهي بالعامية المغربية من ديوان الزجل في مجال الجد والهزل وهي مهداة لكل الامهات اللواتي يسهرن على تربيتنا احسن تربية
الميمة يا الميمة
انت عمارة الدار والخيمة
الله يطول عمرك
ويخليك لينا
شحال سهرت باش تربينا
وكنت حنينة علينا
عطيتينا الحب والحنان
والرعاية والاطمءنان
ضحيت بحال الشمعة
وشحال نزلت من دمعة
ما نساوش خيرك علينا
يا الميمة يا لحنينة
انت عمارة الدار والخيمة
وفيت بالامانة
ووصلت الرسالة
حتى كبرتينا
ربي جعل تحت اقدامك الجنة
وعطاك قلب عامر بالمحنة
تزولي علينا به الغمة
وتحافظي على المجمع واللمة
يا الميمة يا لحنينة
الله يطول عمرك ويخليك لينا
مهما كتبت عليك من قصاءد واشعار
خيرك ما نوفيه
يا اللي تحديت الاقدار
وجعلتيني من الاخيار
يا الميمة يا عمارة هاذ الخيمة وهاذ الدار
على مدى الازمان والاعمار
بقلم عبدالرزاق الدويدة من ديوان الزجل في مجال الجد والهزل
٢١فبراير٢٠١٨
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.