لا تغرك الدنيا
'''''''''''''''''''''''''"
ايام الله كاملة زينة
خاص اللي يعرف يعيشها
كن فيها رزين
لا تعاند كل من تبع طيشها
لا تغرك ب مال اطلب السلامة
و لا يحلى ليك عيشها
راها تطير بحال لحمامة
ؤ تخلي ليك ريشها
صلي ؤ صوم يا بنادم
كل واحد تنفعوا اعمالو
لا تغرك الدنيا راك تندم
مهبول اللي تزهالو
اضحك ؤ عيش السعادة
و لو ب لقليل
حيد منك شحال من عادة
راه تابعك الرحيل
كن فيها بحال لغربب
و لا تحزن على اللي فات
شحال ما عشتي أجلك قريب
و أخرها ممات
علي الكرش : 2018/2/19
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.