قِسْمَة ونَصِيب
ـــــــــــــــــــــــــــــــــــــ
كُل شِيء قِسْمَه ونَصِيب
وِاللي لِيك حَتْمــاً يِصِيب
عُمْرُه مَا كَان بِالحِيَـال
الرِّزْق فِيهَا وِالنَّصِيب
وِلَو تِضِيق بُكْرَه هَتُفْرَج
كُل ضِيقَه وِلِيهَا مَخْـرَج
وِاللي مَكْتُوبْلَك هَتَاخْدُه
لِيه تعِيش دُور الكَئِيب
وِلَو هَتِغْرَق هَتْلاَقِي مَرْكِب
لِلإسْتِغْفَار رُوح تَانِي جَرَّب
وِمن الذُّنُوب إيَّاك تقَرَّب
جَرَّب تِصَلِّي عَ الحَبِيب
اِرْضَى فِيهَا وعِيش قَنُوع
عُمْر مَا يْمَوِّتْنَا جُوع
خَلِّي حِلْمَـك آه كِبِير
سِدْ جُوعَك بِالخُشُوع
وِمَهْمَا تِشْكِي رَاح تِزَهَّر
دَه اللي خَلَقْهَا عَلِيهَا أكْبَر
رَاح يِفْرِجْهَا مَادَام بِتُصْبُر
وِمَادَام بِتِنْدَم فِي الرُّكُوع
وِلَو بِدُقَّــه رَاح تِسَكَّر
مَادَام بِتِحْمِد آه وِتِشْكُر
وِاوْعَى تِزْعَل أو تِكَشَّر
دِي غَالْيَه وَاللهِ الدُّمُوع
وِلَو تِضِيق أكِيد هَتُفْرَج
لِكُل ضِيقَه وِلِيهَا مَخْرَج
وِاللي مَقْسُومْلَك هَتَاخْدُه
جَرَّب تِصَلِّي عَ الحَبِيب
ــــــــــــــــــــــــــــــــــــــــــ
كلمات الشاعر أحمد شاهين
----- مصر - أسيوط -----
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.