يا زهور ملونة بهالروض الجميل ...
مزروعة بالأرض و اترابا الأصيل ...
بتوزعي سحرك ع كل الناس ...
وبتنعشي الأرواح و بتشفي العليل ...
أنا بحب الورد متل ما بحب الحياة ...
ومتل حبي للخير وطيب الذكريات ...
و متل الأرض العطشانة عم تنده للمي...
تا تشرب وتعطي للدني خيرات ...
لونك الزاهي بهالأرض المسمرة ...
بيعطي للنفس حب وبهجة ومسرة...
وبلون الحياة بألوان حلوة كتير ...
بطعم الفرح وبطعم المرح مخضرة...
وشو حلوة الدني ملونة بهالوجود...
ومعطرة بالطيب وبلون الورود ...
ومزينة بالخير ال ما إلو حدود ...
وعم تعزف لحنا للدني لحن الخلود ...
يا قلبي رح إجمع باقة ورد بهية ...
وحطاعندي بالبيت بالمزهرية...
ولما بتجتمع الصبايا بهالسهرية ...
رح قدملا هالورد مني أجمل هدية ...
ويارب تدوم الأفراح ويدوم السرور ...
وتتعطرالسهرات بريحة العطور ...
وتزورنا المحبة وتضوي ليالي الفرح ...
ونسهر مع الأحباب بحلقة الزهور ...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.