ياقلبي..بقلم ماهر البساطي

.. ياقلبي .. ( دعوه للأمل للتفاؤل )
ياقلبي..
حلمك في إديك.. تقدر تحققه
وأملك جوه عنيك.. بالحب تنوره
وعيش ياقلبي حياتك
لا تقلب في ذكرياتك
ولا تنسي برده الدنيا
وعيش وشوف في خيالك
أجمل مافي حياتك
حتي ولو لثانيه..

ياقلبي..
إنسي اليأس
وعيش وسط الناس
طبطب ودادي تلائي
الوفا والاخلاص
وبص كده حواليك
تلقي الكون في إديك
لو صبرت شويه
أُصبر بقي تلاقيك
شايف الحياه بعنيك
جميله وحاجه تانيه..
ياقلبي..
دنيتنا جميله وحلوه
مرسومه زي الغنوه
بمعاني جميله وسهله
بس للي يفهمها
شايف الارض الواسعه
علشان نتمني فيها
أحلامنا وامانينا
وشايف الورد الجميل
دا علشان قلوبنا تميل
لناسنا واهالينا..
ياقلبي.................
بقلمي
ماهر البساطي..
10/7/2004